ناقص فارم کی وجہ سے انگلینڈ کے خلاف سیریز کے دوسرے اور تیسرے ٹیسٹ میچ سے باہر ہونے والے سابق کپتان بابراعظم نے کامران غلام کی کارکردگی کو سراہا۔
ملتان میں جاری دوسرے ٹیسٹ میچ میں بابراعظم کی جگہ کامران غلام کو پلئینگ الیون میں شامل کیا گیا، جہاں انہوں نے اپنے ڈیبیو پر 118 رنز کی شاندار اننگز کھیلی۔ کامران غلام اس کامیابی کے ساتھ ڈیبیو پر سنچری بنانے والے 13ویں پاکستانی بلے باز بن گئے۔
سالگرہ کے دن بابراعظم نے اپنے متبادل کامران غلام کی اننگز کی تعریف کی اور انسٹاگرام پر تعریفی اسٹوری بھی شیئر کی، جس میں انہوں نے لکھا، "اچھا کھیلا کامران!”
یہ بات قابل ذکر ہے کہ بابراعظم کو مسلسل ناقص پرفارمنس اور 18 سے زائد اننگز کھیلنے کے باوجود ففٹی یا اس سے زائد اسکور نہ کرنے کے سبب آرام دیا گیا ہے تاکہ وہ ذہنی دباؤ سے نکل سکیں۔
