بجلی کی قیمت میں ایک ماہ کے لیے 70 پیسے فی یونٹ کمی کا امکان ہے۔ سینٹرل پاور پرچیزنگ ایجنسی (سی پی پی اے) نے ستمبر کے ماہانہ فیول ایڈجسٹمنٹ کے تحت قیمتوں میں کمی کی درخواست جمع کرائی ہے۔
نیپرا اتھارٹی 30 اکتوبر کو اس درخواست پر سماعت کرے گی۔ درخواست میں کہا گیا ہے کہ ستمبر میں سب سے مہنگی بجلی فرنس آئل سے 30 روپے 29 پیسے فی یونٹ کی قیمت پر پیدا کی گئی، جبکہ ایل این جی سے بجلی کی پیداوار 24 روپے 95 پیسے فی یونٹ رہی۔
درخواست میں یہ بھی ذکر کیا گیا ہے کہ ستمبر میں پانی سے بجلی کی پیداوار کا حصہ 30.75 فیصد رہا۔
