(احتشام)انگلینڈ اور پاکستان کے درمیان دوسرا ٹیسٹ میچ ملتان میں جاری ہے، جہاں انگلینڈ کی بیٹنگ کا سلسلہ جاری ہے۔ اس میچ میں پاکستان کے خلاف انگلینڈ کی دو وکٹیں گر چکی ہیں: زیک کرالی کو نعمان خان نے جبکہ اولی پوپ کو ساجد خان نے آؤٹ کیا۔
پاکستانی ٹیم پہلی اننگز میں 366 رنز بنا کر آؤٹ ہوگئی تھی۔ دوسرے روز پاکستان کو محمد رضوان کے نقصان کا سامنا کرنا پڑا، جنہوں نے 41 رنز بنائے۔ اس کے بعد سلمان علی آغا نے 31 رنز بنا کر پویلین لوٹا۔
پاکستانی ٹیم کو آٹھواں نقصان ساجد خان کی صورت میں اٹھانا پڑا، جو صرف دو رنز بنا کر آؤٹ ہوئے۔ اس کے بعد عامر جمال نے 37 اور نعمان علی نے 32 رنز بنا کر پویلین کی راہ لی۔
گزشتہ روز قومی ٹیم نے 5 وکٹوں کے نقصان پر 259 رنز بنائے تھے، جبکہ آج محمد رضوان نے 37 اور سلمان علی آغا نے 5 رنز کے ساتھ دوسرے دن کا آغاز کیا۔
پاکستان نے دوسرے ٹیسٹ میچ میں انگلینڈ کے خلاف ٹاس جیت کر بیٹنگ کا فیصلہ کیا۔ قومی ٹیم کے ابتدائی بلے باز عبداللہ شفیق 7، سعود شکیل 4 اور کپتان شان مسعود 3 رنز بنا کر آؤٹ ہوئے۔
ڈیبیو کرنے والے کامران غلام نے شاندار سنچری اسکور کی اور 118 رنز بنا کر آؤٹ ہوئے، جب کہ صائم ایوب نے بھی 77 رنز بنائے اور آؤٹ ہوئے۔
یہ بات قابل ذکر ہے کہ انگلینڈ کو 3 میچز کی سیریز میں 1-0 کی برتری حاصل ہے۔
