پاکستان کی معروف سینئر اداکارہ سویرا ندیم کی والدہ کا انتقال ہوگیا ہے۔ سویرا ندیم نے اپنے انسٹاگرام اکاؤنٹ پر ایک پوسٹ کے ذریعے مداحوں کو اس دکھ بھری خبر سے آگاہ کیا۔ اس پوسٹ پر مداحوں اور ساتھی فنکاروں کی جانب سے گہرے افسوس کا اظہار کیا گیا اور سویرا کی والدہ کے لیے دعائے مغفرت کی گئی۔
اداکارہ نے اپنی والدہ کو خراجِ عقیدت پیش کرتے ہوئے کہا کہ وہ ان کی زندگی کا فخر اور خوشی تھیں، اور اب بہتر دنیا کی طرف روانہ ہوچکی ہیں۔ سویرا ندیم نے اپنی والدہ کو ایک بہادر خاتون قرار دیا، جو زندگی کے تمام چیلنجز کا مقابلہ کرتے ہوئے صبر اور حوصلے کی ایک زندہ مثال بنیں۔
سویرا نے مزید کہا کہ ان کی والدہ ان کی زندگی کی ملکہ تھیں اور ان کی روح کی سکونت کے لیے دعائیں کیں۔ تاہم، اداکارہ نے اپنی والدہ کی صحت یا انتقال کی وجوہات کے بارے میں کسی قسم کی تفصیلات فراہم نہیں کیں۔
اس دکھ بھری خبر پر شوبز کی دیگر شخصیات اور مداحوں کی طرف سے گہرا دکھ اور تعزیت کا اظہار کیا گیا ہے۔
