اسلام آباد:
چیف جسٹس آف پاکستان کی صدارت میں جوڈیشل کمیشن کا اجلاس شروع ہوگیا۔
ایکسپریس نیوز کے مطابق، سپریم کورٹ آف پاکستان کے چیف جسٹس یحییٰ آفریدی کی صدارت میں جوڈیشل کمیشن کا اجلاس جاری ہے، جس میں سندھ ہائی کورٹ کے آئینی بینچ کے لیے ججز کی نامزدگی کی جائے گی۔
سپریم کورٹ کے کانفرنس روم میں ہونے والے اجلاس میں چیف جسٹس آف پاکستان کے علاوہ جسٹس منصور علی شاہ، جسٹس منیب اختر، جسٹس امین الدین خان شریک ہیں۔ اجلاس میں جسٹس جمال خان مندوخیل، وزیر قانون اعظم نذیر تارڑ اور اٹارنی جنرل بھی موجود ہیں۔
علاوہ ازیں، اجلاس میں چیف جسٹس سندھ ہائی کورٹ محمد شفیع صدیقی، سینیٹر فاروق ایچ نائیک اور شیخ آفتاب احمد بھی شریک ہیں۔
