دعویٰ: اعتزاز احسن نے سپریم کورٹ کے ججز پر سیاسی جماعتوں کی سہولت کاری کا الزام لگایا
سوشل میڈیا پر ایک پوسٹ میں دعویٰ کیا گیا کہ سیاستدان اور وکیل اعتزاز احسن نے سپریم کورٹ کے دو سینئر ججز، جسٹس منصور علی شاہ اور جسٹس منیب اختر پر سیاسی جماعتوں کی سہولت کاری کا الزام لگایا ہے۔ یہ دعویٰ بے بنیاد اور غلط ہے۔
فیکٹ چیک:
اعتزاز احسن نے کبھی بھی سپریم کورٹ کے ان ججز پر سیاسی جماعتوں کی سہولت کاری کا الزام نہیں لگایا۔ جیو فیکٹ چیک نے اکتوبر 2024 میں ان کے تمام دستیاب بیانات اور انٹرویوز کا جائزہ لیا، لیکن اس حوالے سے کوئی بھی ریمارک یا بیان دریافت نہیں ہوا۔
اعتزاز احسن نے اس غلط دعوے کی تردید کرتے ہوئے کہا: "یہ فیک نیوز ہے، میں نے ایسا کوئی بیان نہیں دیا، اور نہ ہی میں نے جسٹس منصور علی شاہ یا جسٹس منیب اختر کا ذکر کیا۔”
نتیجہ:
یہ دعویٰ مکمل طور پر غلط اور افواہ پر مبنی ہے، اور اعتزاز احسن نے سپریم کورٹ کے ججز کے بارے میں کوئی ایسا بیان نہیں دیا۔
