اسلام آباد: وفاقی وزیر خزانہ سینیٹر محمد اورنگزیب نے آئی ایم ایف کے ساتھ روزانہ کی بنیاد پر مشاورت کرنے کی یقین دہانی کرائی ہے۔
ایکسپریس نیوز کے مطابق، آئی ایم ایف کے نمائندے کی وفاقی وزیر خزانہ محمد اورنگزیب سے ملاقات ہوئی، جس میں انہوں نے 37 ماہ کے آئی ایم ایف پروگرام کی کامیاب تکمیل کے لیے پاکستان کے عزم کا اعادہ کیا۔
انہوں نے کہا کہ گزشتہ 14 ماہ میں جو اعتماد حاصل ہوا، اسے ایک جامع اور پائیدار ترقی کی راہیں فراہم کرنے کے لیے برقرار رکھا جانا چاہیے۔
وفاقی وزیر نے پاکستان میں آئی ایم ایف کے نئے نمائندے کی اسائنمنٹ پر خوش آمدید کہا اور یقین دہانی کرائی کہ وہ اپنے سرکاری فرائض انجام دیتے ہوئے حکومت پاکستان کے ساتھ روزانہ کی بنیاد پر مشاورت جاری رکھیں گے۔
آئی ایم ایف کے نمائندے نے قرض پروگرام کی کامیاب تکمیل کو یقینی بنانے کے لیے حکومت پاکستان کے ساتھ مل کر کام کرنے کا عہد کیا
