لاہور، 26 اکتوبر
ہسپتالوں میں سہولیات کی فراہمی: ڈی سی لاہور متحرک
ڈی سی لاہور سید موسیٰ رضا نے بی ایچ یو شاہ پور اسپتال میں انتظامی امور اور دیگر سہولیات کا جائزہ لیا۔ سی او ہیلتھ نے ڈی سی لاہور کو مختلف شعبہ جات کے بارے میں بریفنگ دی۔
سید موسیٰ رضا نے فلاحی مرکز صحت کی تعمیر و مرمت کے لیے ہدایات جاری کیں اور مختلف وارڈز کا دورہ بھی کیا۔ انہوں نے ہسپتال میں داخل مریضوں کی عیادت کی اور صحت یابی کے لیے نیک تمناؤں کا اظہار کیا۔
اس کے علاوہ، ڈی سی لاہور نے اسٹور روم میں ادویات کے معیار کی چیکنگ کی اور ادویات کی معیاد کا بھی جائزہ لیا۔ انہوں نے اندراج رجسٹر کی چیکنگ کرتے ہوئے سی او ہیلتھ کو مریضوں اور لواحقین سے رابطہ کرنے کی ہدایت کی۔
سی او ہیلتھ نے مریضوں اور لواحقین سے سہولیات اور مفت علاج سے متعلق سوالات کیے، جن پر مریض اور لواحقین نے مفت علاج اور بہترین سہولیات کی فراہمی پر اطمینان کا اظہار کیا۔
ڈی سی لاہور نے ہسپتال انتظامیہ کو صفائی ستھرائی کے بہترین انتظامات یقینی بنانے کی ہدایت کی اور کہا کہ مریضوں کو بروقت علاج و معالجہ کی سہولیات فراہم کرنا اولین ترجیح ہونی چاہئے۔ وزیر اعلیٰ پنجاب مریم نواز شریف کی ہدایت پر ہسپتالوں میں بہترین سہولیات کی فراہمی کو یقینی بنایا جا رہا ہے۔
