سرکاری حج اسکیم کے تحت درخواستوں کی وصولی کا آغاز ہو چکا ہے جو 3 دسمبر تک جاری رہے گا۔ وزارت مذہبی امور کے ترجمان کے مطابق، قرعہ اندازی 6 دسمبر کو کی جائے گی، اور پہلی بار حج درخواست دینے والوں کو قرعہ اندازی میں ترجیح دی جائے گی۔
اسپانسر شپ اسکیم کے تحت 5,000 افراد کا کوٹہ مختص کیا گیا ہے۔ سمندر پار پاکستانی اپنے یا اپنے رشتہ داروں کے لیے اس اسکیم کے ذریعے پہلے آئیے پہلے پائیے کی بنیاد پر کسی نامزد بینک میں 4,225 ڈالر جمع کروا سکتے ہیں۔
حج درخواست کے ساتھ 2 لاکھ روپے کی ابتدائی رقم جمع کرانا ضروری ہے۔ دوسری قسط قرعہ اندازی کے بعد وصول کی جائے گی، جبکہ یکم تا 10 فروری تک بقیہ واجبات ادا کرنا لازمی ہوگا۔
نوٹ: سرکاری حج اسکیم میں حصہ لینے والے افراد کو مکمل معلومات کے لیے وزارت مذہبی امور کی ویب سائٹ یا متعلقہ بینک سے رابطہ کرنا ہوگا۔
