قومی اسمبلی کے اسپیکر ایاز صادق کا روس کا سرکاری دورہ
اسلام آباد: قومی اسمبلی کے اسپیکر ایاز صادق 27 سے 29 نومبر تک روس کا سرکاری دورہ کریں گے۔ اسپیکر ایاز صادق کو یہ دعوت روس کے ڈوما (ایوان زیریں) کے چیئرمین، وولودن نے دی ہے۔
اس دورے کے دوران، اسپیکر قومی اسمبلی سات رکنی پارلیمانی وفد کے ہمراہ روس کے ڈوما (زیریں ایوان) اور فیڈریشن کونسل (بالائی ایوان) کے اسپیکروں سے اہم بات چیت کریں گے۔
یہ دورہ پاکستان اور روس کے درمیان دوطرفہ تعلقات کو مزید مستحکم کرنے کی کوششوں کا حصہ ہے۔ اس دورے میں دونوں ممالک کے پارلیمانی تعاون کو بڑھانے کے لیے متعدد امور پر تبادلہ خیال کیا جائے گا۔
